- Advertisement -
اسرائيلي فوج دعويٰ ڪئي آهي ته حماس جي فوجي ونگ جي القاسم برگيڊ جو سربراهه ۽ 7 آڪٽوبر تي اسرائيل تي حملي جي ماسٽر مائينڊ محمد ضيف هوائي حملي ۾ مارجي ويو آهي.
برطانوي نشرياتي اداري موجب اسرائيلي فوج طرفان جاري ڪيل بيان ۾ چيو ويو ته انٽيليجنس جي ڇنڊڇاڻ بعد ان ڳالهه جي تصديق ڪري سگهجي ٿٿي ته حماس جو فوجي ڪمانڊر محمد ضيف 13 جولاءِ تي خان يونس ۾ هڪ ڪمپائونڊ تي هوائي حملي ۾ زخمي ٿيڻ بعد مارجي ويو.
اسرائيلي فوج موجب محمد ضيف اسرائيلي ڌرتيءَ تي ٿيل حماس جي حملن جو ماسٽر مائينڊ هو.
اسرائيلي فوج طرفان محمد ضيف کي قتل ڪرڻ جو اعلان تهران ۾ حماس سربراهه اسماعيل هانيه جي شهادت جي ٻئي ڏينهن ڪيو ويو.- Advertisement -
