اسلام آباد هائيڪورٽ، توشا خانا ڪيس ٻي عدالت منتقل ڪرڻ واري پي ٽي آءِ چيئرمين جي درخواست رد ڪندي ڪيس ٻڌڻ جوڳو قرار ڏيڻ بابت سيشن ڪورٽ جو فيصلو ڪالعدم قرار ڏئي ڇڏيو، فيصلي ۾ چيو ويو آهي ته ايڊيشنل سيشن جج همايو دلاور ئي توشا خانا ڪيس جي ٻڌڻي ڪندو، سيشن ڪورٽ ڌرين کي ٻيهر ٻڌي ڪيس ٻڌڻي جوڳو هجڻ بابت فيصلو ڪري.
اسلام آباد هائيڪورٽ جي چيف جسٽس عامر فاروق توشا خانا ڪيس بابت داخل اٺن اپيل تي محفوظ ڪيل فيصلو ٻڌايو.
فيصلي ۾ توشا خانا فوجداري ڪارروائي جو ڪيس ٻڌڻ جوڳو قرار ڏيڻ بابت سيشن ڪورٽ جو فيصلو ڪالعدم قرار ڏنو ويو آهي.
چيف جسٽس عامر فاروق چيو ته سيشن ڪورٽ ڌرين کي ٻيهر ٻڌي ڪيس ٻڌڻي جوڳو هجڻ بابت فيصلو ڪري.
عدالت توشا خانا ڪيس ٻي عدالت منتقل ڪرڻ واري پي ٽي آءِ چيئرمين جي درخواست رد ڪري ڇڏي، جڏهن ته شاهدن جي لسٽ رد ڪرڻ واري فيصلي خلاف درخواست تي نوٽيس جاري ڪيا ويا آهن.
اسلام آباد هائيڪورٽ پنهنجي فيصلي ۾ چيو ته ايڊيشنل سيشن جج همايون دلاور ئي توشا خان ڪيس جي ٻڌڻي ڪندو
