اسلام آباد هائيڪورٽ جي جج جسٽس بابر ستار عدليا ۾ مبينا مداخلت تي چيف جسٽس عامر فاروق کي هڪ وڌيڪ خط

اسلام آباد هائيڪورٽ جي جج جسٽس بابر ستار عدليا ۾ مبينا مداخلت تي چيف جسٽس عامر فاروق کي هڪ وڌيڪ خط لکيو آهي. هائيڪورٽ جي چيف جسٽس ڏانهن لکيل خط ۾ جسٽس بابر ستار لکيو ته آڊيو ليڪس ڪيس ۾ سڪيورٽي  اسٽيبلشمينٽ جي اعليٰ عملدار طرفان کيس پيغام آيو ته سرويلينس جي طريقيڪار جي اسڪروٽنيءَ کان پوئتي هٽي وڃو. جسٽس بابر لکيو ته هن اهڙي ڌمڪيءَ واري لهجي تي ڪو به ڌيان نه ڏنو،  ن اهو نه سمجهو ته اهڙن پيغامن سان انصاف جي عمل کي ڪافي نقصان پهچڻ جو خطرو آهي. خط ۾ لکيو ويو ته پي ٽي ايَ بابت ڪيسن ۾ بدنيتي تي ٻڌل مهم جو فوڪس عدالتي ڪارروائي کي متاثر ڪرڻ لاءِ هڪ ڌمڪيءَ وارو طريقو لڳي ٿو. جسٽس بابر ستار چيو ته آڊيو ليڪس ڪيس ۾ ڳجهن ۽ جاچ ادارن، لاڳاپيل وزارتن، ريگيوليٽري باڊيز، آءِ ايس آءِ، آءِ بي، ايف آءِ ايَ ۽ پيمرا کي عدالت طرفان نوٽيس جاري ڪيا ويا هئا………….