اسلام آباد ۽ راولپنڊي جي علائقن ۾ تيز برسات کانپوءِ رين ايمرجنسي لاڳو

اسلام آباد ۽ راولپنڊي جي علائقن ۾ تيز برسات کانپوءِ رين ايمرجنسي لاڳو ڪئي ويئي آهي. ايم ڊي واسا موجب جاڙن شهرن ۾ مجموعي طور تي 80 ملي ميٽرن کان وڌيڪ برسات رڪارڊ ٿي چڪي آهي. واسا ترجمان جو چوڻ آهي ته سيدپور ۾ 90، شمس آباد 80 ۽ ڪٽاريان ۾ 55 ملي ميٽر برسات رڪارڊ ڪئي وئي آهي. ترجمان موجب موسميات کاتي جي اڳڪٿي تي واسا هاءِ الرٽ آهي ۽ رين ايمرجنسي لاڳو ڪئي وئي آهي. ايم ڊي جو چوڻ آهي ته عملو ۽ مشينري هيٺانهين وارن علائقن ۾ موجود آهي، ناله لئي ۾ ڪٽاريان واري هنڌ پاني جي سطح 10 فوٽ ۽ گوالمنڊي پل تي 6 فوٽ آهي. موسميات کاتي موجب اڄ اسلام آباد، پنجاب، خيبر پختونخواه، ڪشمير، گلگت بلتستان ۾ ڪٿي ڪٿي تيز برسات جو امڪان آهي…………