اسلام آباد ۾ بحريا يونيورسٽي ڪاليج آف ميڊيسن جو افتتاح ڪيو ويو

اسلام آباد ۾ بحريا يونيورسٽي ڪاليج آف ميڊيسن جو افتتاح ڪيو ويو آهي. آءِ ايس پي آر طرفان جاري ڪيل بيان ۾ چيو ويو ته چيف آف دي نيول اسٽاف ايڊمرل نويد اشرف بحريا يونيورسٽي ڪاليج آف ميڊيسن جو افتتاح ڪيو. تقريب کي خطاب ڪندي سامونڊي فوج جي سربراهه چيو ته بحريا يونيورسٽي ڪاليج آف ميڊيسن اعليٰ معيار جي طبي تعليم فراهم ڪرڻ لاءِ هڪ مثالي ادارو ثابت ٿيندو. نيول چيف مختلف شعبن ۾ معياري تعليم فراهم ڪرڻ ۾ بحريا يونيورسٽي جي خدمتن ۽ ڪاميابين جي ساراهه ڪئي. ريڪٽر بحريه يونيورسٽي وائس ايڊمرل رٽائرڊ آصف خالد خاص مهمان جا ٿورا مڃيا. تقريب ۾ صحت واري وزارت، پاڪستان ميڊيڪل اينڊ ڊينٽل ڪائونسل، ايڇ ايِ سي جا سينيئر عملدار ۽ ٻيا شريڪ ٿيا.