جيڪي استاد سسٽم ۾ موجود آھن، انهن کي پاڻ پڙھڻ نٿو اچي : سردار شاهه

تعليم واري صوبائي وزير سردار شاهه چيو آهي ته جيڪي استاد سسٽم ۾ موجود آھن، انهن کي پاڻ پڙھڻ نٿو اچي، هن چيو ته 6 ھزار گوسڙو استادن خلاف ڪارروائي ڪئي وئي آهي. ڪراچي  ۾ تعليم کاتي پاران اسڪولن ۾ داخلائن کي بھتر بڻائڻ بابت يونسيف جي سھڪار سان تقريب منعقد ڪئي وئي. تقريب ۾ تعليم واري صوبائي وزير سردار ساھه، سيڪريٽري تعليم، سِي اِي او سيف ۽ ٻين شرڪت ڪئي. ان موقعي تي تقريب کي خطاب ڪندي صوبائي وزير سيد سردار شاھ چيو ته جيڪي استاد سسٽم ۾ موجود آھن، انهن کي پاڻ پڙھڻ نٿو اچي. هن چيو ته 6 ھزار گوسڙو استادن خلاف ڪارروائي ڪئي آھي، جيڪي گوسڙو استاد اسڪولن۾ واپس نه ايندا، انهن کي برطرف ڪيو ويندو. سندس چوڻ هو ته عادي غير حاضر رھندڙ استادن سان ڪابه رعايت نه ٿيندي، سنڌ ۾ 50 لک ٻار اسڪولن کان ٻاھر آھن، جيڪو ِ وڏو چئلينج آھي. هن چيو ته نوجوانن کان ٽيسٽ وٺي انهن کي ڀرتي ڪيو آھي، اميد آھي ته 30 سال کان ڀرتي ٿيل استاد به ٽيسٽ پاس ڪري ويندا، ٽي ٽي اسڪول جيڪڏھن هڪ هڪ ايم پي اي ڏسندو ڪندو ته مسئلو حل ٿي ويندو. صوبائي وزير سردار شاهه چيو ته ايم پي ايز کي فند ملي رھيا آھن، ايم پي ايز کي اسڪول ڏيڻ لاءِ قانوني ليٽر لکيو آھي. صوبائي وزير چيو ته سيف جي  اسڪولن ۾ ٻار اچن ٿا يا نـ ان تي مڪمل نظرثاني ڪندا، هو استادن جي ٽيم ٺاهيندا جيڪا گهر گهر وڃي ماڻهن کي بي فارم بابت آگاهي ڏيندي.