اسپيشل جج اينٽي ڪرپشن نسلا ٽاور ڪيس ۾ سنڌ بلڊنگ ڪنٽرول اٿارٽي جي اڳوڻي ڊائريڪٽر منظور قادر ڪاڪا جي ٻاهرين ملڪ وڃڻ تي پابندي لاڳو ڪري ڇڏي آهي.
عدالت پاران ڪيس ۾ نامزد ٻي جوابدار خير محمد ڏاهري جي به ٻاهرين ملڪ وڃڻ تي به پابندي لاڳو ڪئي وئي.
عدالت پاران گهرو وزارت کي منظور ڪاڪا ۽ خير محمد ڏاهري جا نالا اي سي ايل ۾ شامل ڪرڻ جو حڪم پڻ ڏنو ويو آهي.
عدالت جو چوڻ آهي ته ٻنهي جوابدارن جا نالا عدالتي اجازت کانسواءِ اي سي ايل مان نه ڪڍيا وڃن.
نسلا ٽاور ڪيس ۾ اڳوڻو ڊائريڪٽر منظور قادر ڪاڪا ۽ خير محمد ڏاهري سينٽرل جيل ۾ قيد آهن.
