اقتدار سنڀاليندي ئي سرحد بند ڪري ڇڏيندو ۽ ڪيپيٽل هل تي حملو ڪندڙن کي معافي ڏيندو : ڊونلڊ ٽرمپ

آمريڪي صدارتي چونڊن ۾ ريپبلڪن اميدوار ۽ اڳوڻي آمريڪي صدر ڊونلڊ ٽرمپ چيو آهي ته هو اقتدار سنڀاليندي ئي سرحد بند ڪري ڇڏيندو ۽ ڪيپيٽل هل تي حملو ڪندڙن کي معافي ڏيندو. تقريب ۾ خطاب دوران ڊيموڪريٽڪ پارٽي جي صدارتي اميدوار ڪملا هيرس تي تنقيد ڪندي ڊونلڊ ٽرمپ چيو ته ڪملا هيرس ڪاري نسل سڃاڻپ کي سياسي مقصدن لاءِ استعمال ڪري رهي آهي. هن چيو ته ڪيملا هيرس جي ماءُ جو تعلق ڀارت سان ۽ پيءُ جو تعلق جميڪا سان آهي. وائيٽ هائوس ڊونلڊ ٽرمپ جي بيان تي ردعمل ڏيندي چيو ته ڪملا هيرس جي سڃاڻپ بابت ٽرمپ جو تبصرو توهين آميز آهي.