آمريڪا ايران جي وڌيڪ 5 ادارن تي پابندي لڳائي ڇڏي

امريڪا، ايران جي وڌيڪ 5 ادارن ۽ هڪ شخص تي پابندي لڳائي ڇڏي آهي. امريڪي پرڏيهي کاتي جو چوڻ آهي ته جن ادارن يا شخص تي پابندي لڳائي آهي ان جو تعلق ايران جي ايٽمي پروگرام سان آهي. امريڪي پرڏيهي کاتي موجب، صدر ٽرمپ اهو قدم ايٽمي معاهدي جي حوالي سان ايران تي دٻاءُ لاءِ ڪيو آهي، ايران جي ايٽمي پروگرام ۾ مدد فراهم ڪندڙن جو احتساب جاري رهندو. امريڪي پرڏيهي کاتي ايراني ادارن تي اهي پابندي اهڙي وقت ۾ لڳايون آهن جڏهن امريڪا ۽ ايران وچ ۾ ايٽمي پروگرام تي ڳالهيون ٿيڻ ۾ صرف 2 ڏينهن باقي آهن. ٻئي پاسي، آمريڪي صدر ٽرمپ هڪ ڀيرو ٻيهر چيو آهي ته ايران کي ايٽمي هٿيار رکڻ جي اجازت نه ٿي ڏئي سگهجي، ايران سان ڊيل جي لاءِ گهڻو وقت ناهي. ڊونلڊ ٽرمپ وڌيڪ چيو ته جيڪڏهن ايران پنهنجو ايٽمي پروگرام بند ڪرڻ تي راضي نه ٿيو ته هو فوجي طاقت استعمال ڪندا.فوج جي ضرورت پئي ته وٽن موجود آهي ۽ اسرائل به ان ۾ شامل ٿي ويندو.