امريڪا هڪ ڀيرو ٻيهر دهشتگردي کي منهن ڏيڻ لاءِ پاڪستان سان گڏجي ڪم ڪرڻ جي عزم کي ورجايو آهي.
امريڪي پرڏيهي کاتي جي ترجمان ميٿو ملر چيو ته دهشتگردي جي گڏيل خطري کي منهن ڏيڻ لاءِ پاڪستان سان گڏجي ڪم ڪرڻ لاءِ پرعزم آهن، آبادڪاري ۽ اميگريشن جي منتطر ماڻهن جي حفاظت لاءِ پاڪستان سان رابطي ۾ آهن.
هن چيو ته پاڪستان سان ڪنهن به مسئلي يا خدشن کي ختم ڪرڻ لاءِ ڪم جاري رکندا، پاڪستان کي دهشتگردن هٿان تمام گھڻو نقصان پهتو آهي، جاني نقصان تي افسوس آهي، هو متاثرن سان دلي تعزيت ڪن ٿا.
ميٿو ملر جو وڌيڪ چوڻ هو ته پي ٽي آءِ باني جي گرفتاري تي امريڪا جي ڪا پوزيشن ناهي، اهڙن معاملن جو فيصلو پاڪستاني حڪومت کي ڪرڻو آهي.
