امريڪي صدر ڊونلڊ ٽرمپ چيو آهي ته وينزويلا کان اعليٰ معيار جو 50 ملين بيرل تيل آمريڪا آندو ويندو

امريڪي صدر ڊونلڊ ٽرمپ چيو آهي ته وينزويلا کان اعليٰ معيار جو 50 ملين بيرل تيل آمريڪا آندو ويندو. سماجي رابطن واري ويب سائيٽ سوشل ٽرٿ تي جاري بيان ۾ صدر ٽرمپ چيو ته تيل امريڪا ۾ مارڪيٽ قيمت تي وڪرو ويندو ۽ ان جي آمدني کي هو پاڻ ڪنٽرول ڪندا، پئسو آمريڪي ۽ وينزويلا جي عوام جي فائدي لاءِ استعمال ڪيو ويندو. صدر ٽرمپ موجب، انرجي سيڪريٽري ڪرس رائٽ کي هدايت ڪئي آهي ته هو ان منصوبي تي ڪم شروع ڪري ۽ تيل کي امريڪي بندرگاهن تائين پهچائي. امريڪي صدر جي پيغام کان اڳ پرڏيهي ميڊيا رپورٽن ۾ ٻڌايو ويو ته وينزويلا کان تيل امريڪا آڻڻ لاءِ امريڪا ۽ وينزويلا جي عملدارن ۾ ڳالهيون ٿيون آهن. پرڏيهي خابرو ايجنسي موجب، وينزويلا مان خام تيل امريڪا ۾ ريفائنريز کي برآمد ڪيو ويندو. اميد ظاهر ڪئي پئي وڃي ته امريڪي تيل ڪمپنين جا سربراهه وينزويلا ۾ سيڙپڪاري بابت ڳالهين لاءِ جمعي ڏينهن وائيٽ هائوس جو دورو ڪندا. ٻئي پاسي وائيٽ هائوس ۽ وينزويلا عملدارن نئين اڳڀرائي تي تبصرو ڪرڻ کان انڪار ڪيو آهي………