مسلم ليگ ن پنجاب جي صدر ۽ اڳوڻي وفاقي گھرو وزير راڻا ثناءُ اللھ چيو آھي تھ اميدوارن جي ڪا بھ کوٽ نھ آھي، سمورن تڪن تي اميدوار بيھاريا ويندا .
راڻا ثناءُ اللھ جو چوڻ ھو تھ 9 مئي جي ٽولي کي ڪڍي پي ٽي آءِ سان ڳالھيون ڪرڻ لاءِ ھو تيار آھن، سندن اھو ظرف نھ آھي تھ جيل ۾ دوائون ۽ کاڌو بند ڪري ڇڏين.
ھن وڌيڪ چيو تھ سندن پي ٽي آءِ چيئرمين کان سوال آھي تھ ھو چوندو ھو تھ جيل ۾ ڪو ڪلاس نھ ھجڻ گھرجي پر سڀ ڪلاس ختم ڪرڻ گھرجن.
راڻا ثناءُ اللھ جو چوڻ ھو تھ پي ٽي آءِ چيئرمين کي اڊيالا جيل ۾ ڏسي وٺو جيڪو ان سان سلو ٿيو اھو ئي ٻين سان بھ ٿيو.
سندس چوڻ ھو تھ پارٽي جو صدر شھباز شريف ئي آھي، نواز شريف پارٽي جو قائد آھي، ڏکڻ پنجاب جو جائزو ورتو آھي، اتي ن ليگ جي پوزيشن مضبوط آھي، نوان ماڻھو پارٽي ۾ شامل ٿيا آھن.
راڻا ثناءُ اللھ چيو تھ نواز شريف چوڌري شجاعت حسين سان جلد ملاقات ڪندو، آصف علي زرداري کي پنھنجي پارٽي جو سربراھھ ھجڻ جو حق حاصل آھي تھ ھو لاھور جي وزيراعظم جو رستو روڪي ۽ لاڙڪاڻي جي وزيراعظم لاءِ راھھ آسان ڪري، عوام اليڪشن ۾ سنڌ، لاھور يا ڪي پي جي حق ۾ ووٽ ڏئي کين قبول آھي.
ن ليگ پنجاب جي صدر وڌيڪ چيو تھ نواز شريف عام چونڊن ۾ حصو وٺندو، شاھد خاقان عباسي سندس ڀاءُ ۽ سچو انسان آھي ھو ن ليگ کان ناراض نھ آھي ۽ پارٽي سان سھڪار ڪري رھيو آھي
