يوگنڊا جي ايٿليٽ ريبيڪا چيپٽيگي کي ڪينيا جي هڪ اسپتال ۾ نازڪ حالت ۾ نيو ويو آهي، مقامي پوليس موجب چيو پيو وڃي ته هن جي اڳوڻي بواءِ فرينڊ مبينا طور تي چيپٽيگي مٿان پيٽرول اڇلائي کيس باهه ڏني آهي، جنهن سبب هن جي جسم جو 75 سيڪڙو حصو سڙي ويو آهي
33 سالن جي ميراٿن رنر ريبيڪا چيپٽيگي پيرس اولمپڪس 2024 جي ميراٿن ريس ۾ 44 هون نمبر ماڻيو هو، ان جي مٿان گذريل ڏهاڙي ٽرانسنوزيا ڪائونٽي ۾ سندس گهر ۾ حملو ڪيو ويو جنهن کانپوءِ پاڙي وارن جي مدد سان کيس ريسڪيو ڪيو ويو، مقامي پوليس موجب ريبيڪا ۽ هن جي اڳوڻي بواءِ فرينڊ جو گهر جي ٻاهران جهيڙو ٻڌڻ ۾ آيو. جهيڙي دوران، بواءِ فرينڊ عورت کي ساڙڻ کان اڳ ان تي پيٽرول اڇلائيندي ڏٺو ويو، ريبيڪا 2022 ۾ ٿائلينڊ جي شهر چيانگ مائي ۾ ورلڊ مائونٽين ۽ ٽريل رننگ چيمپئن شپ ۾ پڻ سون جا تمغا ماڻيا آهن
