اوٻاوڙي ويجهو روڊ حادثي ۾ صحافي حيدر مستوئي جي فوت ٿيل 8 گهرڀاتين جا مڙهه ٻٻرلي ۽ صادق آباد ۾ مٽيءَ ماءُ حوالي ڪيا ويا.
جمعي ڏينهن رونتي ويجهو موٽروي تي ڪار ۽ مزدا جي ٽڪر ۾ صحافي حيدر مستوئي سخت زخمي ٿي پيو هو ۽ سندس 8 گهرڀاتي فوت ٿي ويا هئا.
فوتين ۾ حيدر مستوئي جي امڙ 45 ورهين جي حسينا، گهرواري سويرا، مامو سلطان احمد، ڀاءُ نظام الدين، عذير مصطفيٰ، فرزانه، شاهزيب ۽ جانل شامل آهن.
حيدر مستوئي جي امڙ 45 ورهين جي حسينا، گهرواري سويرا، ڀاءُ نظام الدين ۽ عذير مصطفيٰ جي جنازي نماز روهڙي بس ٽرمينل تي ادا ڪئي وئي.
جنازي نماز ۾ سياسي سماجي اڳواڻن، وارثن، صحافين، شهرين ۽ ٻين وڏي انگ ۾ شرڪت ڪئي.
جنازي نماز بعد چئني جا مڙهه اباڻي قبرستان پير راڄڻ قطار مست ۾ مٽيءَ ماءُ حوالي ڪيا ويا.
حادثي ۾ فوت ٿيل حيدر مستوئي جي مامي سلطان احمد، فرزانه، شاهزيب ۽ جانل جي جنازي نماز صادق آباد جي علائقي ماهي چوڪ ۾ ادا ڪئي وئي.
جنازي نماز بعد چئني جا مڙهه عزيز ڪرماڻي قبرستان ماهي چوڪ مٽيءَ ماءُ حوالي ڪيا ويا.
فوتين جو تڏو صادق آباد ۽ ٻٻرلي ۾ وڇايو ويو جتي سندن وارثن سان تعزيت جو سلسلو جاري آهي………
