پاڪستان ۾ مقرر ايراني سفير رضا اميري مقدم چيو آهي ته ايران، پاڪستان کي سستي گيس، بجلي ۽ تيل ڏئي سگهي ٿو.
اسلام آباد ۽ راولپنڊي جي اخبارن جي ايڊيٽرن جي مان ۾ ڏنل آجياڻي ۾ سوالن جا جواب ڏيندي رضا اميري مقدم چيو ته ايران ۽ پاڪستان جي گادي وارن شهرن ۾ سڌو سنئون اڏامون شروع ٿينديون ان لاءِ ايران پاڪستان کي باضابطه تجويز ڏني آهي.
سندس چوڻ هو ته پاڪستان ايران جي تجويز جي ڪابينا مان منظوري وٺڻ بعد اڏامون شروع ڪرڻ بابت اتفاق ڪيو آهي.
پاڪستان ۾ مقرر ايراني سفير رضا اميري مقدم چيو ته پاڪستان پي آءِ اي کي اسلام آباد کان ايران لاءِ ففٿ فريڊم جي سهولت گهري آهي، ايران به اهڙي طرح جي سهولت پنهنجي چئن ايئر لائنن لاءِ طلب ڪئي آهي، في الحال لاهور ۽ ڪراچي کان مشهد لاءِ اڏامون هلي رهيون آهن.
هن چيو ته آمريڪي پابنديون آهن ان لاءِ هو اهڙو حل چاهن ٿا ته پاڪستان جيڪڏهن ايران کان گيس پائپ لائن وٺي ته ان کي پريشاني نه ٿئي.
پاڪستان ۾ مقرر ايراني سفير رضا اميري مقدم چيو ته پاڪستان ۾ بجلي ۽ گيس جي کوٽ آهي، ايران پاڪستان کي سستي گيس، بجلي ۽ تيل ڏيڻ جي پوزيشن ۾ آهي……
