- Advertisement -
ايراني صدر ابراهيم رئيسي ۽ پرڏيهي وزير حسين امير هليڪاپٽر حادثي ۾ فوت ٿيڻ جي ايراني حڪومت تصديق ڪري ڇڏي، ايراني صدر جي فوت ٿيڻ جو سرڪاري اعلان امام رضا جي روضي تي ڪيو ويو.
ايراني ميڊيا موجب، ايراني صدر ابراهيم رئسي ۽ پرڏيهي وزير حسين امير هيليڪاپٽر حادثي ۾ فوت ٿي ويا آهن.
ايران جي خابرو اداري تهران ٽائمز جو چوڻ آهي ته هيليڪاپٽر سان حادثو آذربائيجان جي علائقي تبريز کان هڪ سئو ڪلو ميٽر پري پيش آيو جنهن ۾ گورنر تبريز به فوت ٿي ويو آهي.
تهران ٽائمز موجب، آيت الله خامنه اي جي نمائندي سميت هيليڪاپٽر ۾ سوار 9 ڄڻا فوت ٿي ويا آهن.
ايراني اختيارين موجب، ڪجهه لاش سڙي ويا جيڪي سڃاڻپ جوڳا ناهن.
پرڏيهي ميڊيا جو چوڻ آهي ته هيليڪاپٽر جو ملبو هڪ جبل تان مليو، ريسڪيو ٽيمون ملبي تائين پهچي ويون.
هيليڪاپٽر حادثي ۾ فوت ٿيلن جا مڙهه تبريز جي اسپتال منتقل ڪيا ويا…..- Advertisement -
