ايران تي هڪ ٻئي حملي جي امڪان کي رد نٿا ڪري سگهجي: ايراني پرڏيهي وزير عباس عراقچي

ايراني پرڏيهي وزير عباس عراقچي چيو آهي ته ايران تي هڪ ٻئي حملي جي امڪان کي رد نٿا ڪري سگهجي، هو ان لاءِ تيار آهيون ۽ اڳ کان به وڌيڪ تيار آهن. روسي ميڊيا کي انٽرويو ڏيندي ايراني پرڏيهي وزير چيو ته ايران جنگ جي آجيان ناهي ڪندو پر ان لاءِ هر طرح تيار رهندو آهي. ايراني پرڏيهي وزير چيو ته جنگ کان بچڻ جو بهترين طريقو جنگ لاءِ تيار رهڻ آهي، هو ماضي جي اڳرائي جي نقصان کي ڀري چڪا آهن. هن وڌيڪ چيو ته جيڪڏهن ايران جو دشمن ماضي جي ناڪام تجربي کي ورجائڻ چاهي ٿو ره ان کي ڪو به بهتر نتيجو حاصل نه ٿيندو. ياد رهي ته امريڪي ميڊيا دعوى ڪئي آهي ته اسرائيل ايران تي ٻيهر حملي جي رٿا بندي ڪري رهيو آهي، ايران بليسٽڪ ميزائل تيار ڪري رهيو آهي. امريڪي ميڊيا جو چوڻ آهي ته اسرائيلي وزيراعظم ايندڙ ڪجهه ڏينهن ۾ ايران تي حملي بابت صدر ٽرمپ سان ملاقات ڪري آگاهي ڏئي سگھي ٿو…………….