ايران جي اسرائيل تي حملي کانپوءِ پاڪستان ايئر ٽريفڪ ڪنٽرول کي نيون هدايتون جاري ڪيون ويون.
سول ايوي ايشن ذريعن موجب، ايئر ٽريفڪ ڪنٽرول کي ايران ۽ افغانستان طرف کان ايندڙ سمورن اڏامن جي نگراني سخت ڪرڻ جون هدايتون جاري ڪيون ويون آهن.
ذريعن موجب ايئر ٽريفڪ ڪنٽرولرز کي هدايت ڪئي وئي آهي ته هو پاڪستان جي فضائي حدن جي ويجهو هر قسم جي چرپر تي نظر رکي وڃي.
ان کان اڳ پاڪستان ايئر لائنز (پي آءِ اي) ايران جي اسرائيل تي ميزائل حملي کانپوءِ پنهنجي سموريون اڏامن کي ايراني فضائي حد استعمال ڪرڻ کان روڪي ڇڏيو هو.
