ايران کي دفاع جو حق حاصل آهي، ۽ ايران جي حاصل دفاع واري حق جو غزه جنگ بندي سان ڪوبه تعلق ناهي : گڏيل قومن ۾ ايراني مشن

گڏيل قومن ۾ ايراني مشن واضع ڪيو آهي ته ايران کي دفاع جو حق حاصل آهي، ۽ ايران جي حاصل دفاع واري حق جو غزه جنگ بندي سان ڪوبه تعلق ناهي. ايران جي يو اين مشن پنهنجي جاري بيان ۾ چيو آهي ته ايران جو رد عمل امڪاني جنگ بندي لاءِ نقصان ڪار ثابت نه ٿيندو. بيان ۾ چيو ويو آهي ته سندن رد عمل جو وقت ۽ انداز جنگ بندي تي اثر انداز نه ٿيندو، ايران جي ترجيح آهي ته غزه ۾ ڊگھي جنگبندي ٿئي، معاهدو جيڪڏهن حماس منظور ڪيو ته ايران کي به قبول هوندو. پرڏيهي خابرو ايجنسي موجب، ايران ۽ امريڪا وچ ۾ پيغامن جي ڏي وٺ لاءِ سڌيءَ ريت سرڪاري چينل قائم آهن، پر ٻئي ڌريون ان جا تفصيل ظاهر ڪرڻ کان پاسو ڪن ٿيون.