ايف بي آر ٽيڪس ادا نه ڪندڙ 5 لک 6 هزار 671 ماڻهن جون سمون بلاڪ ڪرڻ جو حڪم ڏنو آهي.
ايف بي آر طرفان جاري ڪيل نوٽيفڪيشن ۾ چيو ويو ته 5 لک کان وڌيڪ ماڻهن ٽيڪس ڏيڻ جي لائق هوندي به ٽيڪس ادا نه ڪئي.
نوٽيفڪيشن موجب بلاڪ ڪيل موبائل سِمون تيستائين بلاڪ رهنديون، جيستائين ايف بي آر يا ڪمشنر ان لينڊ طرفان بحال نه ٿينديون.
ايف بي آر ترجمان جو چوڻ آهي ته پي ٽي اي ۽ سمورا ٽيلي ڪام آپريٽر حڪم تي عمل يقيني بڻائن.
نوٽيفڪيشن ۾ چيو ويو ته عمل بعد ايف بي آر کي 15 مئي تائين رپورٽ ڏني وڃي.
