اڳوڻي صوبائي وزير سردار شاهه چيو آهي ته سنڌ امن ۽ محبت جي سرزمين آهي ھتي سڀ گڏجي ڀائرن جيان رھن ٿا ھتي ڪافي تجربا ٿي چڪا آهن ھاڻي ڪنهن به تجربي جي گنجائش ناھي بچي، ايندڙ چونڊن ۾ پ پ سنڌ سميت سڄي ملڪ مان ڪاميابي ماڻيندي ۽ چيرمين بلاول ڀٽو زرداري ملڪ جو وزير اعظم ٿيندو.
کاروڙو سيد ۾ پ پ ضلعي عمرڪوٽ پاران 13 نومبر تي بلاول ڀٽو زرداري جي ٿرپارڪر آمد بابت گڏجاڻي بعد سنڌ ٽي وي نيوز سان ڳالھائيندي سردار شاهه چيو ته پ پ چيرمين بلاول ڀٽو زرداري ڏياري جي ڏڻ تي ٿرپارڪر اچي اھو پيغام ڏيڻ چاهي پيو ته سندن وٽ انتھا پسندي نه پر محبت آهي.
هن چيو ته ضلعي عمرڪوٽ ۾ ٿرپارڪر ھندو ڪميونٽي اقليت نه پر اڪثريت ۾ آهي ھن ڌرتي جي اھا خوشبو آهي جو هو ڏياريون، ھوليون ۽ عيدون گڏجي ملھائن ٿا.
اڳوڻي صوبائي وزير سردار شاهه چيو پ پ چيئرمين بلاول ڀٽو زرداري ڏياري تي عمرڪوٽ ۾ پروگرام ھو پر بعد ۾ اھو پروگرام ٿرپارڪر ۾ رکيو ويو، انشا الله ٿرپارڪر وارو جلسو ملڪ ۾ نئين تاريخ رقم ڪندو.
سندس چوڻ هو ته سنڌ امن ۽ محبت جي سرزمين آهي ھتي سڀ گڏجي ڀائرن جيان رھن ٿا ھتي ڪافي تجربا ٿي چڪا آهن ھاڻي ڪنهن به تجربي جي گنجائش ناھي بچي.
اڳوڻي صوبائي وزير سردار شاهه چيو ته ايندڙ چونڊن ۾ پيپلز پارٽي سنڌ سميت سڄي ملڪ مان اڪثريت سان ڪاميابي ماڻيندي ۽ پ پ چيئرمين بلاول ڀٽو زرداري ملڪ جو وزيراعظم ٿيندو……..
