ايَ آءِ پاڪستان جهڙن محدود وسيلن وارن ملڪن لاءِ خاص طور تي لاڀائتي آهي: سيد مراد  علي شاهه

وڏي وزير سيد مراد  علي شاهه چيو آهي ته ايَ آءِ پاڪستان جهڙن محدود وسيلن وارن ملڪن لاءِ خاص طور تي لاڀائتي آهي، سنڌ سرڪار مريضن جي صحت، تعليم، تحيقق ۽ ڊجيٽلائيزيشن ۾ بهتريءَ لاءِ سدائين مدد ڪندي رهندي. سيد مراد علي شاهه جي پي ايم سي جو دورو ڪيو، جتي ايگزيڪيٽو ڊائريڪٽر پروفيسر شاهد رسول سندس آجيان ڪئي. وڏي وزير ٻي پوسٽ گريجوئيٽ ريسرچ ڪانفرنس  جي صدارت ڪئي. ان موقعي تي خطاب ڪندي سيد مراد علي شاهه چيو ته نوجوان تحقيق ڪندڙن وٽ قميتي ڊيٽا موجود آهي، نوجوانن کي مشين لرننگ کي استمعال ڪرڻ گهرجي. هن چيو ته هڪ مريض جو جينياتي ڍانچو  طبي تاريخ ۽ ماحولياتي اثرن تي ٻڌل آهي، سنڌ سرڪار الگورٿم تي ڪم ڪندڙ محققن جي مدد ڪندي. وڏي وزير چيو ته ايَ آءِ ٽيڪنڪ سان صحت تي وقت سر بيمارين جي پکڙجڻ جوپتو لڳائي اڳڪٿي ڪري سگهجي ٿي. سيد مراد علي شاهه چيو ته صحت يا ڪو ٻيو شعبو تحقيق ۽ جدت کانسواءِ ترقي نه ٿو ڪري سگهي، ترقي جي خواهش آهي ته صحت ۾ ڪوانٽم ليپ اڳتي وڌڻ جو اهم رستو آهي