ايڊورڊ سنوڊن جي حق ۾ بيان ڏيڻ واري تلسي گبارڊ آمريڪا جي نئين انٽيليجنس سربراهه بڻجي وئي آهي
آمريڪا جي سينيٽ تلسي گبارڊ جي بطور نيشنل انٽيليجنس ڊائريڪٽر مقرر ڪرڻ جي منظوري ڏني آهي.
تلسي گبارڊ آمريڪي صدر طرفان ڪابينا ۾ شامل ڪرڻ لاءِ چونڊيل ماڻهن ۾ سڀ کان وڌيڪ تڪراري ميمبر آهي
نيشنل انٽيليجنس ڊائريڪٽر طور تي هوءَ 18 انٽيليجنس ادارن جي سربراهه هوندي، جن ۾ سي آءِ اي، ايف بي آءِ ۽ نيشنل سڪيورٽي ايجنسي به شامل آهي، ان کان علاوه 70 ارب ڊالرز جي بجيٽ تي به ان جو ڪنٽرول هوندو
سينيٽ مان منظوري ملڻ کان اڳ ڪيترائي ڀيرا ائين لڳو، گهٽ تجربو ۽ سندس ماضي ۾ تڪراري بيانن جي ڪري شايد هوءَ ان عهدي لاءِ سينيٽ ۾ گهربل حمايت حاصل نه ڪري سگهي.
