اڄ پ پ سڄي ملڪ ۾ سوڀاري ٿيندي، بلاول ڀٽو زرداري وزيراعظم ٿيندو : سيد مراد علي شاهه

سنڌ جي اڳوڻي وڏي وزير سيد مراد علي شاهه چيو آهي ته اڄ پ پ سڄي ملڪ ۾ سوڀاري ٿيندي، بلاول ڀٽو زرداري وزيراعظم ٿيندو. سيوهڻ ۾ ووٽ ڪاسٽ ڪرڻ بعد ميڊيا سان ڳالهائيندي مراد علي شاهه چيو ته پ پ چيئرمين بلاول ڀٽو زرداري ئي ملڪ  کي مسئلن جي ڌٻڻ مان ڪڍي سگهي ٿو. هن چيو ته گذريل ڏينهن بلوچستان ۾ ٿيل بم ڌماڪن ۾ قيمتي جانيون ضايع ٿيون، دعا آهي ته اڄ جو ڏينهن خيريت سان گذري وڃي. اڳوڻي وڏي وزير چيو ته موبائيل فون ۽ انٽرنيٽ سروس بند ٿيڻ سان اليڪٽرانڪ مينيجمينٽ سسٽ تي فرق پئجي سگهي ٿو. هن چيو ته موبائيل فون ۽ انٽرنيٽ سروس بند ڪرڻ بدران نگران حڪومت سڪيورٽي جا انتظام سخت ڪري ها.