اڏيري لال ڀرسان ڪچي واري علائقي ۾ زميني تڪرار تان هٿياربندن جي فائرنگ ۾ وڌيڪ هڪ ڄڻو مرڻينگ ٿي پيو جڏهن ته زخمي جي وارثن پاران احتجاجي مظاهرو ڪري ڌرڻو هنيو ويو.
ڪچي واري علائقي ۾ زميني تڪرار تان هٿياربندن جي فائرنگ ۾ وڌيڪ هڪ ڄڻو شير خان ڪلهوڙو زخمي ٿي پيو.
زخمي جي وارثن پاران قومي شاهراهه تي احتجاجي مظاهرو ڪري ڌرڻو هنيو ويو جنهن سبب ٽريفڪ معطل ٿي وئي.
ڪجهه ڏينهن اڳ زميني تڪرار تان هٿياربندن جي فائرنگ ۾ قتل ٿيل فدا حسين ماڇي جي قاتلن جي گرفتاريءَ لاءِ وارثن پاران احتجاجي مظاهرو ڪري ڌرڻو هنيو ويو.
ڌرڻي سبب روڊ جي ٻنهي پاسن کان گاڏيون بيهجي ويون جنهنڪري مسافر پريشان ٿي ويا.
احتجاج ڪندڙن جو چوڻ آهي ته جوابدارن جي گرفتاريءَ تائين احتجاج جاري رهندو.
