اڳوڻي وفاقي وزير فواد چوڌري کي ٻن هفتن لاءِ پرڏيهه وڃڻ جي اجازت ملي وئي
اسلام آباد هائيڪورٽ فواد چوڌري کي 10 کان 24 آگسٽ تائين پرڏيهه وڃڻ جي اجازت ڏئي ڇڏي.
اسلام آباد هاءِ ڪورٽ جي چيف جسٽس عامر فاروق فواد چوڌري طرفان پرڏيهه وڃڻ جي اجازت وٺڻ لاءِ داخل ڪيل درخواست تي ٻڌڻي ڪئي.
عدالت اڳوڻي وزير جو نالو 2 هفتن جي لاءِ عارضي طور تي پاسپورٽ ڪنٽرول لسٽ مان ڪڍڻ جو حڪم ڏنو ۽ چيو ته فواد چوڌري 10 کان 24 آگسٽ تائين پرڏيهه وڃي سگهي ٿو.
ٻئي طرف عدالت ٻاهران صحافين سان ڳالهيون ڪندي فواد چوڌري چيو ته هڪ سال کان وڌيڪ ٿي ويو آهي، اڃان تائين ضمانتون هلي رهيون آهن. هڪ ڪيس مان نڪران ٿو ته ٻئي ڪيس ۾ گرفتار ڪيو وڃي ٿو اسان جي پراسيڪيوشن برانچ مڪمل طور تباهه ٿي چڪي آهي.
هن چيو ته رياستي ڍانچو ادارن تي بيٺل هوندو آهي جنهن کي تباهه ڪيو پيو وڃي، هي هاڻ عدالتن کي تباهه ڪرڻ جي لاءِ انهن جي پويان پئجي ويا آهن، هن وقت رنجشون گهٽ ڪرڻ ۽ ڳالهيون ڪرڻ جي ضرورت آهي…….
