برطانوي شھري ڪولن ھينڪوڪ ڊگھي عمر تائين جيئرو رھندڙ ٽرپل ھارٽ باءِ پاس مريض بڻجي ويو.
گنيز ورلڊ ريڪارڊ موجب ڪولن ھينڪوڪ ٽي ڀيرا باءِ پاس ڪرائيندڙ ۽ ڊگھي عرصي تائين جيئرو رھندڙ مريض بڻجي ويو آھي.
گنيز ورلڊ ريڪارڊ طرفان جاري ڪيل بيان ۾ چيو ويو آھي تھ 4 آگسٽ 2023 تي ھينڪوڪ جي آپريشن کي 45 سال ۽ 361 ڏينھن ٿي ويا آھن جنھن تي کيس وڏي حياتي ماڻيندڙ ٽرپل باءِ پاس مريض جي عالمي ريڪارڊ جي اعزاز سان نوازيو ويو.
ڪولن ھينڪوڪ جي عمر 30 سال ھئي تھ ھن پنھنجي سيني ۾ سور محسوس ڪيو ۽ ھڪ سال جي اندر ٽي ڀيرا دل جي باءِ پاس سرجري ڪرائي، سرجري ڪامياب رھي پر اھو غير يقيني ھو تھ ھو ڪيستائين زندھ رھندو.
ڪولن ھينڪوڪ کي ٻڌايو ويو ھو تھ ھو سموري زندگي دل جي مسئلن ۾ مبتلا رھندو. واضح رھي تھ امريڪي شھري ڊيلبرٽ ميڪ بھ 2015 ۾ آپريشن بعد 41 سال ۽ 63 ڏينھن زندھ رھيو ۽ 90 سالن جي ڄمار ۾ فوت ٿي ويو .
