پاڪستان پيپلزپارٽي جي چيئرمين بلاول ڀٽو زرداري واشنگٽن ۾ امريڪي صدر ڊونلڊ ٽرمپ طرفان ڏنل دعائيه نيرن جي تقريب ۾ شرڪت ڪئي، تقريب ۾ بلاول ڀٽو کان علاوه دنيا جا ٻيا عالمي اڳواڻن به موجود هئا.
پاڪستان پيپلزپارٽي جي قيادت ان موقعي تي پاڪستان جا 2 اهم سفارتي محاذ سڀنالي ورتا آهن.
صدر آصف علي زرداري جتي چين جي پنجن ڏينهن جي دوري تي چين ۾ موجود آهي ۽ گذريل چين جي صدر سان ملاقات ڪئي اتي ئي بلاول ڀٽو زرداري امريڪي صدر ٽرمپ سان گڏ خاص موقعي تي شريڪ ٿيو.
ياد رهي ته بلاول ڀٽو زرداري کي امريڪا جي نئين چونڊيل صدر ڊونلڊ ٽرمپ جي قسم کڻڻ واري تقريب ۾ شرڪت جي دعوت ملڻ جون خبرون سامهون آيو هيون پر پ پ چيئرمين ان تقريب ۾ نظر نه آيو هو
بعد ۾ پيپلزپارٽي جي چيئرمين اعلان ڪيو هو ته هو ٽرمپ جي دعائيه نيرن جي تقريب ۾ شرڪت ڪندو.
