بلوچستان جي ڪيچ ضلعي ۾ ڌماڪي سبب يو سي چيئرمين سميت 7 ڄڻا مارجي ويا.
ليويز عملدارن موجب ڪيچ جي علائقي بالگتر ۾ روڊ ڪناري نصب ٿيل ڌماڪيدار مادي کي ريموٽ ڪنٽرل ذريعي اڏايو ويو.
ڌماڪي سبب يوسي چيئرمين اسحاق سميت 7 ڄڻا مارجي ويا.
اطلاع ملڻ تي ريسڪيو ٽيمن پهچي مارجي ويلن جا مڙهه اسپتال منتقل ڪيا ۽ علائقي کي ڪڙو چاڙهيو.
مارجي ويلن جا مڙهه ضروري ڪارروائي بعد وارثن حوالي ڪيا ويا. پوليس موجب واقعي جي جاچ شروع ڪئي وئي آهي، جلد حقيقتون سامهون آنديون وينديون.
