- Advertisement -
بلوچستان ۽ ڪي پي ڪي ۾ سڪيورٽي فورسز جي ڪارروائي دوران 12 دهشتگرد مارجي ويا آهن.
آءِ ايس پي آر طرفان جاري ڪيل بيان ۾ چيو ويو اتر وزيرستان جي علائقي ميران شاهه ۾ انٽيليجنس بيسڊ آپريشن دوران فائرنگ جي ڏي وٺ ۾ 8 دهشتگرد مارجي ويا ۽ ڇهه ڄڻا زخمي ٿي پيا.
آءِ ايس پي آر موجب علائقي ۾ سرچ آپريشن ڪيو پيو وڃي.
بلوچستان جي ڪيچ ضلعي ۾ سڪيورٽي فورسز جي ڪارروائي ۾ انتهائي گهربل دهشتگرد چئن ساٿين سميت مارجي ويو.
آءِ ايس پي آر طرفان جاري ڪيل بيان ۾ چيو ويو ته سڪيورٽي فورسز ٻارهن ۽ تيرهن نومبر جي وچ واري رات دهشتگردن خلاف بالگنار ۾ ڪارروائي ڪئي.
ڪارروائي دوران سڪيورٽي فورسز ۽ دهشتگردن وچ ۾ فائرنگ جي ڏي وٺ ٿي.
آءِ ايس پي آر موجب ڪاررودوران انتهائي گهربل دهشتگرد ثنا عرف بارو چئن ساٿين سميت مارجي ويو.
پاڪ فوج جي ترجمان مارجي ويل دهشتگرد ثنا عرف بارو دهشتگردن جو ريڪروٽمينٽ ايجنٽ هو، جيڪو نام نهاد مجيد برگيڊ لاءِ ڪيچ ضلعي ۾ آپگهاتي بمبارن کي ڀرتي ڪندو هو.
آءِ ايس پي آر موجب دهشتگرد ثنا قانون لاڳو ڪندڙ ادارن کي انتهائي گهربل هو، مارجي ويل دهشتگردن وٽان وڏي انگ ۾ هٿيار ۽ بارودي مواد هٿ ڪيو ويو آهي.
ترجمان موجب پاڪ فوج قوم جي سهڪار سان بلوچستان جي امن، استحڪام ۽ ترقي جي دشمن قوتن کي ناڪام بڻائڻ لاءِ پرعزم آهن.- Advertisement -
