بنگلاديش ۾ شاگردن جي مظاهرن دوران ڇڪتاڻ وڌيڪ تيز

بنگلاديش ۾ شاگردن جي مظاهرن دوران ڇڪتاڻ وڌيڪ تيز ٿي وئي ۽ چڪرين ۾ مارجي ويلن جو انگ هڪ سئو کان وڌي ويو، جڏهن ته حڪومت احتجاج کي منهن ڏيڻ لاءِ ملڪ ۾ ڪرفيو لاڳو ڪري فوج کي طلب ڪري ورتو. پرڏيهي خابرو اداري موجب، بنگلاديش ۾ سرڪاري نوڪرين ۾ ڪوٽا سسٽم خلاف شاگردن جي مظاهرن دوران ڇڪتاڻ وڌيڪ تيز ٿي وئي آهي. پوليس ۽ احتجاج ڪندڙن وچ ۾ چڪرين جي نتيجي ۾ مارجي ويلن جو انگ هڪ سئو کان وڌي ويو. پرڏيهي ميڊيا موجب، بنگلاديش ۾ حڪومت احتجاج کي منهن ڏيڻ لاءِ ملڪ ۾ ڪرفيو لاڳو ڪري فوج کي طلب ڪري ورتو. بنگلاديشي وزيراعظم حسينه واجد جي آفيس طرفان ٻڌايو ويو آهي ته ملڪ ۾ ڪرفيو لاڳو ڪرڻ ۽ فوج طلب ڪرڻ جو فيصلو سول انتظاميا جي مدد لاءِ ڪيو ويو آهي. شاگردن جو موقف آهي ته سرڪاري نوڪريون ميرٽ تي ڏنيون وڃن ۽ رڳو اقليتن ۽ معذورن لاءِ رکيل 6 سيڪڙو ڪوٽا کي برقرار رکيو وڃي. ڪوٽا سسٽم ۾ 30 سيڪڙو سرڪاري نوڪريون بنگلاديش جي 1971ع جي آزادي واري جنگ ۾ وڙهندڙن جي خاندانن لاءِ مخصوص آهن، جڏهن ته شاگرد نظام ۾ سڌارن ۽ اعليٰ سرڪاري نوڪرين جي وڌيڪ منصفاڻي ورڇ جو مطالبو ڪري رهيا آهن……….