تحريڪ انصاف باني جي اڊيالا جيل ۾ سڪيورٽي لاءِ مقرر اهلڪارن جي سخت نگراني ڪرڻ جو فيصلو

اڊيالا جيل جي آفيسرن طرفان تحريڪ انصاف باني جي مبينا مددگاري واري معاملي بعد سندس سيل جي سڪيورٽي لاءِ مقرر اهلڪارن جي سخت نگراني ڪرڻ جو فيصلو ڪيو ويو آهي. جيل ذريعن موجب، سڪيورٽي ادارن جا اهلڪار به سيل جي چوڌاري مقرر رهندا، سيل جي ڀرپاسي ڊيوٽي تي مقرر ٿيل جيل جي اهلڪارن کي هر هفتي تبديل ڪيو ويندو. ذريعن جو چوڻ آهي ته اڊيالا جيل ۾ ٻڌڻي دوران جيل عملي کي صحافين، وڪيلن ۽ پارٽي اڳواڻن کان پري رهڻ جي هدايت ڪئي وئي آهي. ذريعن موجب، جيل اندر رهندڙ پوليس اهلڪارن جي به مڪمل جهڙتي ورتي ويندي. ذريعن جو چوڻ آهي ته اڊيالا جيل جي اسسٽنٽ جيل سپرينٽينڊنٽ بلال کان به سڪيورٽي ادارن پڇاڳاڪا ڪئي آهي……..