تنگواڻي ويجهو  ڦر مزاحمت تي قتل ٿيل استاد واري معاملي نئون رخ اختيار ڪري ورتو

تنگواڻي ويجهو  ڦر مزاحمت تي قتل ٿيل استاد واري معاملي نئون رخ اختيار ڪري ورتو آهي، ڪارنهن الزام هيٺ آيلن کي بچائڻ تان پلاند ۾ استاد کي قتل ڪرڻ جو انڪشاف ٿيو آهي، ڊي آءِ جي لاڙڪاڻي  نوٽيس وٺندي  واقعي جو ڪيس داخل ڪرڻ جو حڪم ڏنو آهي. ڪرمپور روڊ تي گذريل ڏينهن قتل ٿيل استاد  الهه رکيو نندواڻي واري معاملي نئون رخ اختيار ڪري ورتو آهي. استاد الهه رکيو نندواڻي کي ڪارنهن الزام هيٺ آيلن کي بچائڻ تان پلاند ۾ قتل ڪرڻ جو انڪشاف ٿيو آهي. ڊي آءِ جي لاڙڪاڻو معاملي جو نوٽيس وٺندي واقعي جو ڪيس داخل ڪرڻ جو حڪم ڏئي ڇڏيو آهي. مقتول جي وارثن جو چوڻ آهي ته ڪجهه ڏينهن اڳ ڪارنهن تڪرار تان جوابدارن الزام هيٺ آيل کي قتل ڪرڻ لاءِ ڳوٺ تي حملو ڪيو هو، مقتول استاد الهه رکيو نندواڻي فائرنگ ڪري جوابدارن کي ڀڄائي ڇڏيو هو.