ثقافت کاتي جي ايڊوائزري ڪميٽي جو اجلاس,مختلف ماڳن ۽ عمارتن کي ثقافتي ورثو قرار ڏيڻ جي منظوري

چيف سيڪريٽري آصف حيدر شاهه جي صدارت هيٺ ثقافت کاتي جي ايڊوائزري ڪميٽي جو اجلاس ٿيو، جنهن دوران مختلف ماڳن ۽ عمارتن کي ثقافتي ورثو قرار ڏيڻ جي منظوري ڏني وئي. چيف سيڪريٽري آصف حيدر شاهه جي صدارت هيٺ ثقافت کاتي جي ايڊوائزري ڪميٽي جو اجلاس ٿيو. اجلاس ۾ سيڪريٽري ثقافت، ايڊوائزري ڪميٽي جي ميمبرن حميد هارون، ڪليم الله لاشاري ۽ ايس بي سي اي سميت ٻين عملدارن شرڪت ڪئي. اجلاس دوران ثقافت کاتي طرفان ورثو قرار ڏنل عمارتن جو جائزو ورتو ويو. چيف سيڪريٽري ايس بي سي اي کي هدايت ڪئي ته ھيريٽيج عمارتن کي خطرناک قرار ڏيڻ کان اڳ ثقافت کاتي کان به راءِ ورتي وڃي. اجلاس ۾ مختلف ماڳن ۽ عمارتن کي ثقافتي ورثو قرار ڏيڻ جي منظوري ڏني وئي. قمبر شهداد ڪوٽ ۾ واقع ڪتي جي قبر کي محفوظ ورثو قرار ڏيڻ جي منظوري ڏني وئي آهي. نوشهرو فيروز ۾ قديم مختيارڪار آفيس کي محفوظ ورثو قرار ڏيڻ جي منظوري ڏني وئي. سکر ۾ قديم سول ڪورٽ تعلقي روهڙي کي محفوظ ورثو قرار ڏيڻ جي پڻ منظوري ڏني وئي. ڪنڌڪوٽ ۾ انسپيڪشن بنگلي کي محفوظ ورثو قرار ڏيڻ جي منظوري به ڏني وئي. ڪراچي ۾ ڪينٽونمينٽ ڪوارٽرز ۾ پارسي انسٽيٽيوٽ ڪمپائونڊ  کي جهانگير کوٽهاري هال ۽ کاٽراڪ سوئمنگ باٿ  کي محفوظ ورثو قرار ڏيڻ جي منظوري ڏني وئي آهي. ملير ۾ “سيد هاشمي ريفرنس لائبريري” کي پڻ محفوظ ورثو قرار ڏيڻ جي منظوري ڏني وئي.