ڪئنيڊا جي وزيراعظم جسٽن ٽروڊو آمريڪا جي نئين چونڊيل صدر ڊونلڊ ٽرمپ کي سخت جواب ڏيندي چيو آهي ته ڪئنيڊا قيامت تائين آمريڪا ۾ ضم نه ٿيندو.
ڊونلڊ ٽرمپ چيو هو ته هو ڪئنيڊا خلاف اقتصادي قوت استعمال ڪندو ۽ ڪئنيڊا کي آمريڪا جي 51هين رياست بڻجڻ گهرجي.
ڪئنيڊين وزيراعظم جسٽن ٽروڊو ٽرمپ کي جواب ڏيندي چيو آهي ته ڪئنيڊا قيامت تائين آمريڪا ۾ ضم نه ٿيندو.
ڪئنيڊين پرڏيهي وزير ميلاني جولي چيو آهي ته ڊونلڊ ٽرمپ جو بيان ان ڳالهه جو اظهار آهي ته هن کي سمجهه ئي ناهي ته ڪئنيڊا جي حقيقي طاقت آهي ڇا، ڪئنيڊا ڪڏهن به ڌمڪين آڏو نه جهڪندو.
ڪنزرويٽو اپوزيشن ليڊر جو چوڻ آهي ته ڪئنيڊا هڪ عظيم خودمختيار ملڪ آهي، ڪئنيڊا ڪڏهن به آمريڪا جي 51هين رياست نه بڻجندو.
