جيڪب آباد ۾ ايڪشن ڪاميٽي پاران 9ڏينهن اڳ زيادتي بعد قتل ٿيل حسينا کوسو جي قاتلن جي گرفتاري لاءِ شهرين طرفان احتجاجي مظاهرو ڪري نعريبازي ڪئي وئي .
عابد سنڌي، عيد محمد ڊومڪي، عبدالنبي لاشاري، ھارون الرشيد سومرو، ممتاز ٻرڙو خالد ڪٽبار ۽ ٻين جي اڳواڻي ۾ شھيد الله بخش سومرو پارڪ کان پريس ڪلب تائين ريلي ڪڍي وئي .
ان موقعي تي اڳواڻن خطاب ڪندي چيو ته 10ورهين جي نياڻي کي جنسي ڏاڍائي ۽ تشدد ڪري قتل ڪندڙ جوابدارن کي گرفتار ڪري کين ڦاهي ڏني وڃي.
هنن چيو ته ڪنڌڪوٽ، ڪشمور، گهوٽڪي، شڪارپور ۽ جيڪب آباد ضلعن ۾ بدامني جي باهه ٻري پئي آهي، ڌاڙيلن خلاف هن وقت تائين ڪوبه اثرائتو آپريشن ناهي ٿيو. اڳواڻن مطالبو ڪيو ته حسينه کوسو جي قتل ۾ ملوث جوابدارن کي گرفتار ڪري، پريا ڪماري سميت جيڪب آباد مان اغوا ٿيل معصوم نويد لاشاري کي بازياب ڪرايو وڃي.
