جي ڊبليو سي، راڻيپور جي پير حويلي ۾ پراسرار نموني فوت ٿيل خانواهڻ واسڻ نينگري فاطمه ڦرڙو جي وارثن کي هر ممڪن مدد جو يقين ڏياريو آهي.
جي ڊبليو سي جي مرڪزي صدر ذوالفقار خاصخيلي ۽ ضلعي آرگنائيزر راڻا شيرمحمد جي اڳواڻي ۾ ٽيم نينگري جي وارثن سان ملاقات ڪري واقعي جا تفصيل ورتا.
ان موقعي تي ڳوٺ جي عورتن توڙي مردن ٻڌايو ته ساڻڻ وڏو ظلم ٿيو آھي نينگري جي بيماري بابت ڪابه ڄاڻ نه ڏني وئي پر فوت ٿيڻ جو اطلاع ڏنو ويو.
هنن ٻڌايو ته جڏھن معصوم نياڻي فاطمه جو لاش مليو ته سندس هٿ ڀڳل هو ۽ جسم تي به تشدد جا نشان هئا، کين راڻي پور جي پيرن تڏو وڇائڻ کان به روڪيو ۽ چيو ويو ته فاطمه پيٽ ۾ سور سبب فوت ٿي آھي.
سندن چوڻ هو ته هو غريب آهن، واقعي جي شفاف جاچ ڪرائي انصاف ڪيو وڃي.
ان موقعي تي جي ڊبليو سي جي مرڪزي صدر ذوالفقار خاصخيلي وارثن کي انصاف ڏيارڻ لاءِ جدوجهد ڪرڻ جو يقين ڏياريو…
