حيدرآباد جي ايس ايس پي ۽ وڪيلن ۾ هڪ دفعو ٻيهر ڇڪتاڻ تيز ٿي وئي

حيدرآباد جي ايس ايس پي ۽ وڪيلن ۾ هڪ دفعو ٻيهر ڇڪتاڻ تيز ٿي وئي آهي. حيدرآباد ڊسٽرڪٽ بار ايسوسي ايشن جي سڏ تي ايس ايس پي کي هٽائڻ لاءِ سنڌ هائيڪورٽ سرڪٽ بينچ حيدرآباد، سيشن ۽ سول ڪورٽ ۾ ٻئي ڏينهن به عدالتي ڪاررواين جو بائيڪاٽ ڪيو ويو. وڪيلن سيشن ڪورٽ جو مک دروازو بند ڪري ٽينٽ لڳائي احتجاجي مظاهرو ڪري نعريبازي ڪئي وئي. وڪيل اڳواڻن جو چوڻ آهي ته ايس ايس پي حيدرآباد کي هٽائڻ جو نوٽيفڪيشن ملڻ تائين احتجاج جاري رهندو.