حيدرآباد ۾ هڪ مهيني کان هلندڙ ڊينگي وبا بابت صحت کاتي انگ اکر جاري ڪري ڇڏيا

حيدرآباد ۾ هڪ مهيني کان هلندڙ ڊينگي وبا بابت صحت کاتي انگ اکر جاري ڪري ڇڏيا. ڊائريڪٽوريٽ جنرل آف هيلٿ سروسز سنڌ جي دعويٰ آهي ته سنڌ ۾ 160 ڊينگي جا مريض علاج هيٺ آهن. ڊي جي سنڌ جي انگ اکرن موجب هڪ ڏينهن ۾ ڊينگي جا 78 نوان ڪيس رپورٽ ٿيا آهن، سڄي صوبي ۾ ڊينگي وگهي ڪو مريض فوت نه ٿيو آهي. صحت کاتي موجب ڪراچي ڊويزن ۾ 40 مريض علاج هيٺ آهن، 11 نوان مريض اسپتالن ۾ داخل ٿيا آهن. صحت کاتي موجب حيدرآباد ۾ 73 مريض علاج هيٺ آهن ۽ 45 نوان ڪيس رپورٽ ٿيا آهن. ڊي جي هيلٿ موجب 58 مريض صحتياب ٿي پنهنجن گهرن ڏانهن هليا ويا آهن، ڊينگي جي علاج لاءِ سڄي سنڌ ۾ 843 بسترا مختص ڪيا ويا آهن ۽ 50 سرڪاري ۽ خانگي ليبارٽرين ۾ ٽيسٽ جاري آهن جڏهن ته 5271 ٽيسٽن مان 1397 ڊينگي ٽيسٽ مثبت رپورٽ ٿيا آهن.