حڪومت بجلي جي قميت ۾ گهٽتائي لاءِ مهانگا پاور پلانٽ ختم ڪرڻ جو فيصلو

حڪومت بجلي جي قميت ۾ گهٽتائي لاءِ مهانگا پاور پلانٽ ختم ڪرڻ جو فيصلو ڪيو آهي. پاور ڊويزن طرفان جاري ڪيل پڌرنامي ۾ چيو ويوته ايم ڪيو ايم وفد وفاقي وزير اويس لغاريءَ سان ملاقات ڪئي، جنهن ۾ ڪراچيءَ جي بجلي جي مسئلن تي تفصيلي ڳالهيون ٿيون. پڌرنامي ۾ چيو ويو ته وفد جي ميمبرن کي پاور سيڪٽر ۾ هلندڙ سڌارن تي بريفنگ ڏني وئي. وفد کي ٻڌايو ويو ته وفاقي حڪومت بجلي جي مسئلن جي حل لاءِ هنگامي بنيادن تي ڪم ڪري رهي آهي. جاري ڪيل پڌرنامي ۾ چيو ويو ته بجلي اگهن ۾ گهٽتائي لاءِ مهانگا پاور پلانٽ ختم ڪري ڪوئلي تي هلندڙ پلانٽن کي مقامي ڪوئلي تي منتقل ڪيو ويندو.