خانپور مهر ويجهو مختلف ٿاڻن جي پوليس آپريشن دوران ڏوهارين جي پنجن گهرن کي باهه ڏئي ساڙي ڇڏيو

خانپور مهر ويجهو مختلف ٿاڻن جي پوليس آپريشن دوران ڏوهارين جي پنجن گهرن کي باهه ڏئي ساڙي ڇڏيو، جڏهن ته ڪيترن ئي شڪي ماڻهن کي گرفتار ڪري ورتو آهي. ڊي ايس پي ميرپور ماٿيلو عبدالقادر سومرو جي اڳواڻيءَ ۾ مختلف ٿاڻن جي پوليس سهانجڙو واري علائقي جي مختلف ڳوٺن ۾ ڏوهارين خلاف آپريشن ڪيو. پوليس آپريشن دوران ڏوهارين جي پنجن گهرن کي باهه ڏئي ساڙي ڇڏيو، جڏهن ته ڪيترن ئي شڪي ماڻهن کي گرفتار ڪري ورتو. ڊي ايس پي ميرپور ماٿيلي جو چوڻ آهي ته ايس ايس پي گهوٽڪي جي هدايتن تي ڏوهارين خلاف آپريشن جاري آهي، آپريشن دوران ڏوهارين جي ٿاڪن کي باهه ڏئي ساڙي ڇڏيو آهي.