پ پ چيئرمين بلاول ڀٽو زرداري چيو آهي ته خطي ۾ انصاف، امن ۽ آزادي لاءِ ڪشمير مسئلي جو حل اڻٽر آهي، پيپلزپارٽي لاءِ ڪشمير ڪاز هميشه بنيادي اهميت جو معاملو رهيو آهي، عالمي برادري ڪشمير جي حل طلب بحران کي حل ڪرڻ لاءِ ڀرپور قدم کڻي.
ڪشمير جي ڪاري ڏينهن تي جاري ڪيل پيغام ۾ بلاول ڀٽو زرداري چيو ته مظلوم ڪشميري عوام لاءِ سندن حمايت هميشه رهندي، هو والاريل وادي ۾ بنيادي حقن ۽ آزادي جو مطالبو ڪندڙ عوام جي آواز کي دٻائڻ جي مذمت ڪن ٿا.
سندس چوڻ هو ته پاڪستان پنهنجي ڪشميري ڀينرن ۽ ڀائرن سان مضبوطي سان بيٺل آهي، گڏيل قومن جي ٺهرائن ۾ مڃيل ڪشميرين جو حق خوداراديت هڪ انساني حق آهي، هڪ بنيادي انساني حق کي ڪنهن به ظلم ۽ ڏاڍ سان کسي نٿو سگهجي.
پ پ چيئرمين بلاول ڀٽو زرداري چيو ته عالمي برادري ڪشمير جي حل طلب بحران کي حل ڪرڻ لاءِ ڀرپور قدم کڻي، خطي ۾ انصاف، امن ۽ آزادي لاءِ ڪشمير مسئلي جو حل اڻٽر آهي، پيپلزپارٽي لاءِ ڪشمير ڪاز هميشه بنيادي اهميت جو معاملو رهيو آهي.
