- Advertisement -
پ پ چيئرمين بلاول ڀٽو زرداري چيو آهي ته خيبرپختونخوا جي مختلف علائقن ۾ برساتن سبب صورتحال خراب آهي، ڪوهاٽ ۾ هڪ ئي خاندان جي 11 ماڻهن جو فوت ٿيڻ جو واقعو سانحو آهي، هو پيارن جي وڇوڙي تي متاثر خاندانن سان ڏک ۾ برابر جا شريڪ آهن.
پ پ چيئرمين بلاول ڀٽو زرداري خيبرپختونخوا صوبي ۾ برسات دوران جاني ۽ مالي نقصان تي افسوس جو اظهار ڪيو آهي.
پ پ چيئرمين بلاول ڀٽو زرداري چيو ته خيبرپختونخوا جي مختلف علائقن ۾ برساتن سبب صورتحال خراب آهي، مانسهره، ڪوهاٽ، باجوڙ، چترال، سوات، صوابي ۽ ٻيا ضلعا متاثر ٿيا آهن.
هن چيو ته ڪوهاٽ ۾ هڪ ئي خاندان جي 11 ماڻهن جو فوت ٿيڻ جو واقعو سانحو آهي، شبقدر سميت ڪي پي جي مختلف علائقن ۾ ٿيل جاني نقصان تي ڏک پهتو آهي.
پ پ چيئرمين چيو ته هو پيارن جي وڇوڙي تي متاثر خاندانن سان ڏک ۾ برابر جا شريڪ آهن، ڪي پي حڪومت برسات سبب ٿيل نقصان جي سروي ڪرائي، متاثرن جي بنا فرق جي مالي مدد ڪئي وڃي.
بلاول ڀٽو زرداري چيو ته لاڳاپيل اختياريون لينڊ سلائيڊنگ ۽ اهڙي قسم جي حادثن کي نظر ۾ رکندي اڳواٽ حفاظتي قدم کڻن، مختلف علائقن ۾ هزارين سياح ڦاسي پيا آهن، تحفظ ۽ سهولتون ڏنيون وينديون، ڪي پي جا جيالا برسات متاثرن جي امداد لاءِ پنهنجو ڪردار ادا ڪن……………- Advertisement -
