خيبر ضلعي جي وادي تيراهه ۾ دهشتگردن خلاف آپريشن دوران ليفٽيننٽ ڪنرل سميت پاڪ فوج جا 4 جوان شهيد ٿي ويا، سڪيورٽي فورسز جي ڀرپور جوابي ڪارروائي ۾ 3 دهشتگرد ماريا ويا ۽ 3 زخمي ٿي پيا.
آءِ ايس پي آر طرفان جاري ڪيل بيان ۾ چيو ويو ته سڪيورٽي فورسز ڳجهي ڄاڻ جي بنياد تي خيبر ضلعي جي تيراهه واديءَ ۾ آپريشن ڪيو.
آپريشن دوران دهشتگردن جي فائرنگ ۾ لفيٽيننٽ ڪرنل سميت 4 جوان شهيد ٿي ويا.
شهيدن ۾ 43 ورهين جو ليفٽيننٽ ڪنرل حسن حيدر، 31 ورهين جو نائڪ خوشدل، 33 ورهين جو لانس نائڪ عبدالقادر ۽ 27 ورهين جو لانس نائڪ رفيق خان شامل آهن.
آءِ ايس پي آر موجب پاڪ فوج جي ڀرپور جوابي ڪارروائي ۾ 3 دهشتگرد مارجي ويا ۽ 3 زخمي ٿي پيا.
آءِ ايس پي آر موجب دهشتگرديءَ جي امڪاني موجوده جي خدشي سبب علائقي ۾ سرچ آپريشن ڪيو ويو.
آءِ ايس پي آر موجب خيبر ۾ شهيد ٿيل چئني جوانن جي جنازي نماز ادا ڪئي وئي.
پاڪ فوج جي ترجمان موجب پشاور گيريزن ۾ ادا ڪيل جنازي نماز ۾ ڪور ڪمانڊر پشاور سميت فوجي آفيسرن شرڪت ڪئي.
آءِ ايس پي آر موجب شهيدن جا مڙهه اباڻن علائقن ۾ مٽيءَ ماءُ حوالي ڪيا ويندا….
