- Advertisement -
خيرپور پوليس مقابلي دوران هڪ ڏوهاري کي مارڻ جي دعوى ڪئي آهي.
ايس ايس پي خيرپور ڊاڪٽر سميع الله سومري جو چوڻ آهي ته اڪناملڪ زون ٿاڻي جي حد جمعو ڳوٺ لنڪ روڊ تي ڏوهارين سان مقابلو ٿي پيو، فائرنگ جي ڏي وٺ دوران هڪ ڏوهاري مارجي ويو جڏهن ته سندس ٻيا ساٿي اونڌاهي جو فائدو وٺي فرار ٿي ويو.
ايس ايس پي جو چوڻ آهي ته مارجي ويل ڏوهاري جو لاش اسپتال منتقل ڪيو ويو جتي سندس سڃاڻپ بدنام ڏوهاري شهزادو انڙ طور ٿي.
ايس ايس پي ٻڌايو ته مارجي ويل ڏوهاري سنگين نوعيت جي 20 کان وڌيڪ ڪيسن ۾ گھربل هو، سندس قبضي مان بنا لائسنس وارو پسٽل هٿ ڪيو ويو.
ايس ايس پي وڌيڪ ٻڌايو ته مارجي ويل ڏوهاري جي ساٿين جي ڳولا لاءِ ناڪابندي ڪئي وئي آهي……….- Advertisement -
