- Advertisement -
دنيا جي ست صحافين کي 2025 جي ورلڊ پريس فريڊم هيروز ايوارڊ لاءِ چونڊيو ويو آهي، جن ۾ شهيد فلسطيني صحافي مريم ابو دقا به شامل آهي.
انهن صحافين کي ورلڊ پريس فريڊم هيروز ايوارڊ لاءِ سندن غير معمولي ڪارڪردگي ۽ صحافت جي آزادي ۾ حصو وٺڻ لاءِ نامزد ڪيو ويو آهي.
انٽرنيشنل پريس انسٽيٽيوٽ موجب، نامزد صحافين کي ايوارڊ 24 آڪٽوبر تي ويانا ۾ اداري جي 75 هين سالگرهه جي موقعي تي ڏنا ويندا.
ايوارڊ لاءِ نامزد ٿيلن ۾ فلسطيني صحافي مريم ابو دقا ۽ يوڪرين جي وڪٽوريا روشچينا شامل آهن، جن جنگ ۾ فرض انجام ڏيڻ دوران پنهنجون جانيون وڃائي ڇڏيون.
مريم ابو دقا کي گذريل 25 آگسٽ تي يھودي فوج شهيد ڪيو ھو.
ايوارڊ لاءِ نامزد ٻين صحافين ۾ آمريڪا جو مارٽن بارون، پيرو جو گستاوو گوريٽي، هانگ ڪانگ جو جمي لائي ۽ ايٿوپيا جو ٽيسفالم والديس شامل آهن.- Advertisement -
