- Advertisement -
دهشتگردن جي وسيع پئماني تي ڌاڙن ۽ ڀتي خوريءَ جا تفصيل سامهون اچي ويا آهن.
ذريعن موجب سڪيورٽي فورسز طرفان فتنه الخوارج جي ماريل دهشتگردن وٽان دستاويزي ثبوت هٿ ڪيا ويا آهن.
دهشتگرد پاڪستان ۾ دهشتگردي پکيڙڻ سان گڏوگڏ ڌاڙن ۽ ڀتي خوري جي سنگين وارداتن ۾ به ملوث آهن.
ذريعن موجب ڏکڻ خيبرپختونخوا جي علائقي ڊيرا اسماعيل خان ۾ دهشتگردن بينڪ ڦـُـري، ڊيزا اسماعيل خان ۾ بئنڪ جي رقم کڻي ويندڙ گاڏين تي دهشتگردن 9 جولاءِ، 30 جولاءِ ۽ 8 آگسٽ تي حملا ڪيا ۽ 56 ملين رپين کان وڌيڪ رقم ڦري.
ذريعن موجب دهشتگردن رقم کڻي ويندڙ گاڏين کي مڪمل تباهه ڪري ڇڏيو، ڦريل رقم مان دهشتگرد نور ولي جي حڪم تي 4 لک رپيا دهشتگرد سيلاب کي ڏنا ويا، دهشتگردن ۾ 17 لک رپيا ورهايا پڻ ويا.
دستاويزي ثبوتن موجب ڦريل رقم حواله هنڊي ذريعي پاڪستان کان افغانستان جي علائقن الامان ۽ خوست ۾ لڪل دهشتگردن ڏانهن موڪلي ويندي آهي.
دفاعي ماهرن موجب دهشتگرد اصل ۾ ڌاڙيلن ۽ غنڊن جو گروهه آهي، جيڪي معصوم پاڪستاني عوام جي جان ۽ مال جا دشمن آهن………- Advertisement -
