نگران وزيراعظم انوار الحق ڪاڪڙ چيو آهي ته وفاقي حڪومت صوبائي حڪومتن سان گڏجي حڪمت عملي طئي ڪندي، بلوچستان ۽ خيبرپختونخوا ۾ سمگلنگ خلاف ڀرپور ڪم ٿي رهيو آهي، سول ادارا پنهنجي ڪارڪردگي وڌيڪ بهتر ڪن، ذخيرو ڪندڙن ۽ سمگلنگ خلاف ڀرپور مهم جاري رهندي، سمورن ادارن کي موجود وسيلن تحت ڀرپور ڪم ڪرڻو پوندو.
نگران وزيراعظم انوار الحق ڪاڪڙ جي صدارت هيٺ بجلي چوري، ذخيرا اندوزي ۽ سملنگ روڪڻ بابت اجلاس ٿيو.
اجلاس ۾ ڳالهائيندي نگران وزيراعظم انوار الحق ڪاڪڙ چيو ته وفاقي حڪومت صوبائي حڪومتن سان گڏجي حڪمت عملي طئي ڪندي، بلوچستان ۽ خيبرپختونخوا ۾ سمگلنگ خلاف ڀرپور ڪم ٿي رهيو آهي.
سندس چوڻ هو ته سول ادارا پنهنجي ڪارڪردگي وقت سان گڏ وڌيڪ بهتر ڪن، بجلي چوري، ذخيرو ڪندڙن ۽ سمگلنگ خلاف مهم ڀرپور انداز ۾ جاري رهندي.
نگران وزيراعظم انوار الحق ڪاڪڙ چيو ته سمورن ادارن کي موجود وسيلن تحت ڀرپور ڪم ڪرڻو پوندو، سڄي ملڪ ۾ رياست جي عملداري هر صورت ۾ قائم ڪئي ويندي، بجلي چوري، ذخيره اندوزي ۽ سمگلنگ خلاف ڏهن ڏينهن ۾ حوصلو ڏيندڙ خبرون اچي رهيون آهن.
هن چيو ته صوبائي پوليس سربراهن، چيف سيڪريٽريز ۽ انٽيليجنس بيورو جو ڪردار ساراهه جوڳو رهيو، اڄوڪو اجلاس هڪ پيڙهه جي پٿر جي حيثيت رکي ٿو.
نگران وزيراعظم انوار الحق ڪاڪڙ چيو ته بجلي چوري، ذخيره اندوزي ۽ سمگلنگ جا سڌو سنئون ناڪارا اثر معيشيت تي پوندا آهن…….
