آءِ پي ايل 2025 جي فائنل ۾ رائل چيلنجرز بينگلور (آر سي بي) پنجاب ڪنگز کي 6 رنز تان شڪست ڏئي ٽورنامينٽ جي تاريخ ۾ پهريون ڀيرو ٽائيٽل پنهنجي نالي ڪري ورتو.
فائنل مقابلو احمدآباد ۾ کيڏيو ويو، جتي پنجاب ڪنگز ٽاس کٽي پهريان فيلڊنگ ڪرڻ جو فيصلو ڪيو، آر سي بي مقرر 20 اوورن ۾ 9 وڪيٽن جي نقصان تي 190 رنز ٺاهيون
آر سي بي طرفان ويرات ڪوهلي 43 ، رجت پٽيدار 26، ليام لِيونگسٽن 25، جتيش شرما ۽ اگروال 24-24رنسون اسڪور ڪيون، پنجاب ڪنگز طرفان ارشديپ سنگھه ۽ ڪائل جيميسن 3-3 وڪيٽون ورتيون
جواب ۾ پنجاب ڪنگز جي ٽيم191 رنسن جو هدف حاصل ڪرڻ ۾ ناڪام ٿي ۽ مقرر اوورن ۾ 7 وڪيٽن جي نقصان تي 184 رنسون ٺاهي سگھي
ششانڪ سنگهه 61 رنز سان ناٽ آئوٽ رهيو، جڏهن ته جوش انگلس 39 رنسون اسڪور ڪيون، آر سي بي جي بالنگ ۾ ڪرونال پانڊيا ۽ ڀوونيشورڪمار 2-2 وڪيٽون ورتيون، جڏهن ته يش ديال، روماريو شيفرڊ ۽ جوش هيزل ووڊ 1-1 وڪيٽ حاصل ڪئي.
