رتوديرو ڀرسان 22ورهين جي نوجوان پاڻ مٿان پسٽل جو فائر ڪري آپگهات ڪري ڇڏيو.
لاشاري ٿاڻي جي حد ڳوٺ بلند سناڻي جي رهواسي نوجوان عبدالوهاب پٽ محمد ابراهيم منڌراڻي پاڻ مٿان پسٽل جو فائر ڪري زندگي جو انت آندو.
اطلاع تي حد جي پوليس پهچي لاش تحويل ۾ وٺي پوسٽ مارٽم لاءِ تعلقه اسپتال منتقل ڪيو.
نوجوان جي وڏي ڀاءُ ممتاز مندراڻي ميڊيا کي ٻڌايو ته اهڙو ڪو به مسئلو نه هو ڀاءُ ٻاهران گهر آيو اچي ٻئي ڀاءُ کي چيائين ته هاڻ آخري موڪلاڻي آهي اهو چئي ڪري گهران نڪري پاڻ مٿان پسٽل جو فائر ڪيو.
ٻئي پاسي پوليس جو چوڻ آهي واقعي جو ڪارڻ معلوم ناهي ٿي سگھيو وڌيڪ جاچ ڪئي پئي وڃي.
